World Press Photo Exhibition in Georgia

World Press-ფოტო გამოფენა, რომელიც საქართველოში ტარდება, წარმოადგენს 2008 წლის განმავლობაში მსოფლიოს სხვადასხვა კუთხის პროფესიონალი ფოტოგრაფების მიერ გადაღებულ ფოტომასალას.

ჟანრი-ფოტოჟურნალისტიკა.

მსოფლიოს სხვადასხვა კუთხის საინტერესო მოვლენები, ”რეპორტაჟები”  ცხელი წერტილებიდან, აქტუალური თემები რომლებიც აღელვებს მსოფლიოს...

ჟურნალისტის თვალით დანახული კადრი,დაჭერილი წამი, ემოცია, ფაქტი..ამ ყველაფერს იხილავთ გამოფენაზე, რომელიც  სამ კვირას გაგრძელდება, ხოლო მოგვიანებით სხვა ქვეყანაში გადაინაცვლებს.

საქართველოში World Press-ის ფოტოგამოფენა პირველად ტარდება 

(დაწვრილებით ორგანიზაციაზე იხ. ბმულში:

http://www.club24.ge/index.php?lang_id=ENG&sec_id=13&info_id=34)

(მისამართი: ავლაბარი, ჯორბენაძის ქ. #9, მეტეხის ეკლესიასთან) 

გალერეის კოლექციიდან

 

     გია მირზაშვილი

გალერეაში ”ვერნისაჟი” მიმდინარეობს გამოფენა -”გალერეის კოლექცია” წარმოდგენილია
წარმოგენილია ელენე ახვლედიანის, ლევან ხარანაულის, გია მირზაშვილის და სხვ. ნამუშევრები

გამოფენა 31 მაისამდე გაგრძელდება

ლევან ხარანაული

”მაისის თბილისი”( ქარვასლა- 6-9 მაისი)

ქალაქ თბილისის საკრებულო გიწვევთ გამოფენაზე “მაისის თბილისი”
(ფერწერა, გრაფიკა.)

გახსნა 6 მაისს 16 საათზე.


1 ელენე ახვლედიანი
2 შალვა მატუაშვილი
3 დიმიტრი ერისთავი
4 თემო მაჭავარიანი
5 ომარ დურმიშიძე
6 გივი თოიძე
7 ოლეგ ტიმჩენკო
8 ლევ ბოიახჩევი
9 პეტრე ბლიოტკინი
10 ჯემალ კუხალაშვილი
11 გოგი ჩაგელიშვილი
12 თაზო ხუციშვილი
13 თორნიკე აბულაძე
14 ესმა ონიანი
15 ალბერტ დილბარიანი
16 ზურა სეხნიაშვილი

გამოფენა გაგრძელდება 3 დღე.

მარიანა შნაიდერის გამოფენა კოპალაში(25-30აპრილი)

გალერეაში ”კოპალა” ამ დღეებში მიმდინარეობდა გერმანელი მხატვრის მარიანა შნაიდერის პერსონალური გამოფენა. მისი ნამუშევრების უმეტესობა მოგზაურობის დროს საკუთარი თვალით ნანახი სამყაროა, რომელმაც დიდი შთაბეჭდილება მოახდინა მასზე. სამარყანდიდან და ბუხარდან გამოყოლილი აღმოასვლური მოტივები..საქართველოს ბუნება თუ თბილისის ხედები , რაც გამოფენაზე იყო წარმოდგენილი საკმაოდ შთამბეჭდავია. კიდევ უფრო შთამბეჭდავი კი დასავლურ კონკრეტიკასთან შეზავებული აღმოსავლური მხურვალებაა, რომელიც მის ნახატებში იგრძნობა. აღსანიშნავია ასევე ”თბილისი ღამით” და ”ღამე მდინარესთან” ისეთივე მხურვალე და ცეხლოვანი როგორც ავტორის შთაბეჭდილებები. მისი ნახატები სტილის მრავალფეროვნებით გამოირჩევა ,გარდა პეიზაჟებისა, აქვს პორტრეტები(ავტოპორტრეტი, მარტინა) და კუბისტური ნახატები (”სიცივე” ). ყველა მათგანი საოცრად ფერადოვანია და თბილი (თვით ცივ ფერებში გადაწყვეტილი ნახატიც კი) , რაც უდავოდ ავტორის შინაგანი სამყაროს ერთგვარი ანარეკლია.




პ.ს.ეს მისი პირველი პერსონალური გამოფენაა თბილისში . მანამდე კი გამოფენები ჰქონდა კიევში, რუსელჰაიმსა და ჰოჰხაიმში.

ეფემერები ემიგრანტის არქივიდან

გალერეა ვერნისაჟშია წარმოდგენილი.გამოფენა 22 მარტს გაიხსნა და რამდენიმე დღე გაგრძელდება. თამარ და აკაკი პაპავების ”კოლექციიდან” გამომზეურებული ეფემერები (პოსტერზე დაბეჭდილი წარწერა გვამცნობს (ავტ.პ. ნაცვლიშვილი)”ეფემერა ისეთ საკოლექციო ერთეულს გვიქვია, რომელიც კი არსებობს, მაგრამ რომლის არსებობა არც აუცილებელია, არც საყოველთაო და არც რამ გარეშე წყაროთი დადასტურებული. მაგალითად, მოსაწვევი ბარათი, ტრამვაის, თვითმფრინავის, თეატრის, მუზეუმის, სტადიონის თუ ლატარიის ბილეთი, რესტორნის მენიუ, პროკლამაცია...აფიშა, პლაკატი, მისალოცი, ეტიკეტი...ჟურნალის ან გაზეთის ამონაჭერი”..და სხვა რომელთა ჩამონათვალი შეიძლება უამრავი იყოს ”ეფემერები საუკეთესო დამხმარე წყაროა ამა თუ იმ ისტორიული ეპოქის, საზოგადოებრივად მნიშვნელოვანი მოვლენების შესასწავლად..” და რა თქმა უნდა ამ მხრივ საკმაოდ ყურადსაღებიც. აღნიშნული გამოფენა პირველია საქართველოში და იმედია არა-უკანაასკნელი)-გაზეთებიდან ამოჭრილი მნიშვნელოვანი ინფორმაციებით დაწყებული, ფურცლის ნაგლეჯზე უბრალოდ მეგობრული, თუ ოჯახური მიმოწერით დამთავრებული...ყველაფერი ერთად თავმოყრილი ,სითბოთი და ნოსტალგიით გაჟღენთილი საქართველოდან გადახვეწილი ემიგრანტების მიერ სათუთად შენახული, დღეს გალერეის კედლებზეა გამოფენილი და მნახველს საშუალებას აძლევს საქართველოს უახლოეს წარსულში იმოგზაუროს


პ.ს. თამარ და აკაკი პაპავები საქართველოს გასაბჭოების დროს ორ შვილთან ერთად აღმოჩნდნენ ემიგრირებულნი ჯერ გერმანიაში , შემდეგ კი არგენტინაში, სადაც დღემდე ცხოვრობენ მათი შთამომავლები

თამარ (ბაილა) ჭეიშვილი

გობელენისტი, არაერთი გამოფენის მონაწილე(რიგა, მოსკოვი, თბილისი, ქუთაისი). აქვს გამოგონება, რომლის საშუალებითაც ”შექმნა მოცულობითი, სივრცული ფორმა ”ქანდაკება” შალის ძაფში. მისი ნამუშევრები ”არაჩვეულებრივი ტექნიკითაა შესრულებული. იგი იყენებს, როგორც კლასიკური ქსოვის ტექნოლოგიას, ასევე მარყუჟიან და რელიეფურ ქსოვას. მისი ერთ-ერთი აღმოჩენა გახლავთ ჰოლოგრამული ტექნოლოგია, სადაც გობელენს სკულპტურული ელემენტები შეუთავსა” (ე. ჩოგოვაძე). მჟღერი დეკორატიული ფერების გემოვნებით შეხამება კი მის ნამუშევრებს ”ნატიფი ლირიზმით” აღავსებს. პირველ აპრილს სწორედ ქ-ნ თამარის გამოფენა გაიხსნა გალერეში”რაციო” (საერთო სახელწოდება გამოფენების ციკლისა არის ”დედაქალაქის მიღმა”) რაც საშუალებას გაძლევთ გაეცნოთ მხატვრის შემოქმედებას. გამოფენა 7 აპრილამდე გასტანს.

”იტალიური სტილი” ქარვასლაში

იტალიიის საელჩოს ინიციატივით ქარვასლაში მოეწყო გამოფენა -”იტალიური სტილი -სამოსი და ავეჯი” . ცნობილი დიზაინერების კერძო კოლექციებიდან (არმანი, ფერრე , ვალენტინო, ვერსაჩე და სხვ.) გამოტანილი სამოსი, მიუხედავად იმისა რომ ძველ კოლექციას წარმოადგენდა( 70-იანი წლები ძირითადად)მაინც საკმაოდ შთამბეჭდავი იყო. ასევე არ დარჩებოდით გულგრილნი ავეჯის თუ სხვა დეკორატიული საგნების მიმართ რომელიც შეძლებისაგვარად უხვად იყო წარმოდგენილი- კარტელი მირაბილი, მანოტა...გამოფენა 26 აპრილამდე გასტანს , რაც იტალიური სტილი მოყვარულებს ალბათ გაახარებს.

ბრუნო ვეფხვაძე-დროში მოგზაურობა გალერეა GTM-ში

       

19 მარტს არტ-გალერეა GTM-ში გაიხსნა ახალგაზრდა მხატვრის , ბრუნო ვეფხვაძის პერსონალური გამოფენა(ეს მისი პირველიპერსონალური გამოფენაა). წარმოდგენილი ნამუშევრები საკმაოდ მრავალფეროვანი და საინტერესო იყო თავისი თემატიკითა თუ გადაწყვეტით, ზეთის საღებავებით შესრულებული დიდი ზომის ტილოების თვალიერებისას თითქოს დროში მოგზაურობ -ერთი მხრივ ანტიკური სამყაროს ისტორიები იპყრობს თქვენს ყურადღებას,ეგვიპტე, რომი... მეორეს მხრივ საბჭოური პერიოდის ნატურმორტი,  თუ მშობლიური კუთხის პეიზაჟები(მცხეთა, დავით გარეჯი..), აღსანიშნავია პორტრეტებიც (მათ შორის ორი  ავტოპორტრეტი) რომლებიც ერთდროულად რეალისტური გამომსახველობით და ამავე დროს, ერთგვარი ”ზღაპრული”ხასიათით გამოირჩევა ...
თუმცა მონათხრობს თვალით ნანახი სჯობს ,  
გამოფენა 22 მარტამდე გრძლედება 
ჩემის მხრივ კი ერთს დავამატებ , რომ გალერეა  გაოცებულმა დავტოვე...

            

(სრულად ნამუშევრები შეგიძლიათ იხილოთ სათაურის ბმულიდან)

ბეჭდვითი კომუნიკაციის დიზაინი გერმანიაში

                

ამგვარი სათაურით გაიხსნა გამოფენა 11 მარტს გოეთეს ინსტიტუტში. ნაჩვენები იყო გერმანიაში ვიზუალური მედიის განვითარების საფეხურები ( უკეთ რომ ვთქვათ- სტილები). დიდი ზომის სტენდებზე გამოფენილ სხვდასხვა სახის ”მესიჯებს” თან ერთვოდა ტექსტი რომელიც აერთიანებდა იმ თემატიკას , რასაც გამოფენა ეხებოდა. პირველი სტენდი ტიპოგრაფიას დაეთმო, მეორე- გრაფიკული დიზაინის შესახებ მოგვითხრობდა, მესამეზე-ციფრულ მედიაზე იყო საუბარი და ა.შ. ერთ ერთი სტენდი გერმანიაში კომუნიკაციების დიზაინის განვითარებაზე აკეთებდა აქცენტს... თემის შესაბამისი ვიზუალური დასაბუთება კი საკმაოდ საინტერესო და ადვილად აღსაქმელს ხდიდა მოწოდებულ მასალას.
გამოფენა 31 მარტამდე გაგრძელდება

         

”დასავლეთი და აღმოსავლეთი” გალერეაში ”რაციო”

     

საქპატენტის გალერეა ”რაციო” გიწვევთ ალი ასლანიშვილისა(Ali Aslanishvili) და ერიკ ბინდერის(Eric Binder) ნამუშევრების გამოფენაზე რომელიც 11 მარტს გაიხსნა და ირანული კულტურის დღეებთან დაკავშირებით 27 მარტამდე გაგრძლედება. ალი ასლანიშვილი ფერეიდანელი ქართველია, რომელიც კარგა ხანია საქართველოში ცხოვრობს, მისი ნამუშევრები ისეთი ფერადოვანია და აბსტრაქტული , ერთი შეხედვისთანავე აღმოსავლური ხედვის ადამიანი წარმოგიდგებათ თვალწინ, უსაზღვრო უდაბნოებითა და უდროობაში ჩაძირული ფილოსოფიით. მეორე მხატვარია ერიკ ბინდერი , ფლორიდიდან, რომელიც ასევე საქართველოში ცხოვრობს უკვე წელიწადნახევარია და მისი მზით გაჯერებული დასავლური კონკრეტიკით აღბეჭდილი ნამუშევრები ისეთ სითბოს აფრქვევენ ძნელია აღფრთოვანების გარეშე შეხედოთ.

  

“გამოფენას შეიძლება პირობითად ”დასავლეთი და აღმოსავლეთი” ეწოდოს, რადგან ალი ასლანიშვილი ფერეიდანელი ქართველი, ხოლო ერიკ ბინდერი -ამერიკელი მხატვარია ფლორიდიდან. ორივე ხელოვანმა იმ კულტურის ტრადიცია, თვისებები, ხასიათი და დამოკიდებულება გაითავისა, რომლის წარმომადგენელიცაა.
ალი ასლანიშვილის ორი სამშობლოს პირველქმნილი ბუნება ისპაჰანურ პეიზაჟებში, ზაგროსის მთებსა და საქართველოს ხედებში აისახა...ამერიკელი მხატვრის მზერა ადამიანის ხელით შექმნილი ყოფითი საგნებისკენაა მიმართული...
ექსპოზიცია ორი სრულიად განსხვავებული ხედვისა და ხელწერის მქონე მხატვრის კონტრასტულ ხელოვნებაზეა აგებული, თუმცა ერთ საგამოფენო სივრცეში მათი შემოქმედება დიდი სამყაროს ერთ პატარა , დასავლურ და აღმოსავლურ ისტორიად იკითხება”

( ამონარიდები აღებულია საგამოფენო ბუკლეტის ტექსტიდან)


   

ქართველები ბრუნდებიან

TBC ბანკის საგამოფენო დარბაზში 12 მარტს გაიხსნა გიორგი გუგუშვილის პერსონალური გამოფენა სახელწოდებით ”ქართველები ბრუნდებიან”
დიდი ზომის ტილოებზე ნაჩვენებ ფერადოვან სახეებში შეიძლება ვერც შეიცნოთ ეთნიკური ქართველები , მაგრამ მთავარი ეს არაა , მთავარი იდეაა რომელიც ავტორმა უზარმაზარ მუქ ლურჯ პლაკატზე ლოზუნგებად წააწერა”
”200 წლიანი ტყვეობის შემდეგ ქართველები ბრუნდებიან თავისუფალი და დემოკრატიული მსოფლიოს პოლიტიკურ რუქაზე
გაგვიცანით, ეს ჩვენ ვართ-ჩვენ ქართველები ვართ!”
ხოლო პორტრეტების ფერადოვანი გამა, ექსპრესიული სახეები და ინდივიდუალური ხელწერა გულგრლის ნამდვილად არ დაგტოვებთ გიორგი გუგუშვილის შემოქმედების მიმართ
     

ლევან ჭოღოშვილის პერსონალური გამოფენა

      

ლევან ჭოღოშვილი 80 -იანი წლების მხატვართა თაობას მიეკუთვნება.
ხატავს თავისუფლად, თითქოს ქაოტურადაც კი. ერთ ტილოზე სხვადასხვა ტექნიკას უხამებს ერთმანეთს, სიბრტყეზე განფენილი ნახატები საკმაოდ სახასიათოა და მიუხედავად წერის თანამედროვე მანერისა ნახატი დამაჯერებლად გადმოსცემს სიძველის ეფექტს. გამოფენაზე წარმოდგენილი პორტრეტები გამომსახველობით ხასიათდება და გეჩვენება, თითქოს კუთხურობის ნიშნითაც კი არიან დაღდასმულნი, თუმცა ამ შემთხვევაში აღნიშნულ ეფექტს სამოსის დამახასიათებელი შტრიხები უფრო განაპირობებენ ალბათ(აფხაზეთის მთავართა, იმერეთის აზნაურთა თუ სხვათა). გაძლიერებული დეკორატიული საწყისის ფონზე მართალია სიუჟეტი ოდნავ უკანა პლანზე ინაცვლებს, მაგრამ საერთო ჯამში სათქმელი არ იკარგება.

ხოლო,თუ რისი თქმა სურს  მხატვარს , სჯობს თავად იხილოთ
გამოფენა მიმდინარეობს გალერეაში ”N გალერი & სანდრო ანთაძე” და 6 მარტამდე გაგრძელდება. 

     

XX საუკუნის არქიტექტურული მემკვიდრეობა საფრანგეთში

    

ასე ქვია გამოფენას, რომელიც გუშინ გაიხსნა თბილისის ისტორიის მუზეუმში(ქარვასლა),სადაც ალ.დიუმას ფრანგული კულტურის ცენტრმა და საფრანგეთის საელჩომ საქართველოს ეროვნული მუზეუმის ხელშეწყობით საფრანგეთის კულტურული მემკვიდრეობა წარმოადგინა. ნაჩვენები ძეგლები გარკვეული კატეგორიის მიხედვით იყო შერჩეული:აქ ნახავდით ნაკლებად დაცულ ნაგეგობებს, რომელთაც ამის საჭიროება ნადვილად აქვთ, იშვიათ ნაგებობებს, რომელნიც 20 საუკუნის მეორე ნახევარში შეიქმნა, და კიდევ ბევრ სხვა საინტერესო ძეგლს:სკოლებს, ბაღებს, რელიგიურ ნაგებობებს, მემორიალურ ადგილებს... რომელნიც იურიდიული სტატუსით სარგებლობენ და ამასთანავე, დაკავშირებულნი არიან ცხოვრებისა და წარმოების (მაშინ) ახლებურ საშუალებებთან. გამოფენის პრესრელიზეში ვკითხულობთ :  ”მე-20 საუკუნის მემკვიდრეობა,არა მხოლოდ კულტურული მემკვიდრეობის ბოლო არქეოლოგიური შრეა, არამედ ის ორმაგი შინაარსის მატარებელია,კულტურულის და სოციალურის. ის არის კოლექტიური აქცია,რომელიც გულისხმობს თანამედროვე სამყაროს ახალი თვალით დანახვას, თითოეული მოქალაქის ცხოვრების პირობების შესწავლას” ,სწორედ ამის ნათელი მაგალითია ლე კორბუზიე; ამას გარდა აქ ნახავთ ჟაკ ლე მემის, ჰექტორ გიმარის, ძმები პერეების და სხვათა ნამუშევრებს; ფერნან ლეჟეს მოზაიკას...

საგამოფენო დარბაში განთავსებული დაახლოებით ორი მეტრი სიმაღლის სტენდები ჯერ კიდევ ელიან დამთვალიერებელს

    

სიყვარულის ბარათები TBC ბანკში

ერთგვარი გადახვევა ჩვეული რეპერტუარიდან...

TBC ბანკი და ხელნაწერთა ეროვნული ცენტრი აწყობს გამოფენას  ”სიყვარულის ბარათები”. წარმოდგენილი იქნება XVIII-XIX საუკუნეების ცნობილ ადამიანთა სასიყვარულო წერილები და პირადი ნივთები. მათ შორის არის: ილია ჭავჭავაძისა და ოლღა გურამიშვილის, კონსტანტინე გამსახურდიასა და რებეკა ვაშაძის, ივანე ჯავახიშვილისა და ანასტასია ჯამბაკურ-ორბელიანისა და სხვათა სასიყვარულო ბარათები, ასევე XVIII-XIX საუკუნეების ეპისტოლეები.

გამოფენა ხორციელდება ხელნაწერთა ეროვნული ცენტრის კოლექციის ბაზაზე.

საღამოზე საზოგადოებისთვის ცნობილი სახეები სასიყვარულო წერილებს წაიკითხავენ.
საღამოს წარუძღვებიან მსახიობი მურმან ჯინორია და პოეტი რატი ამაღლობელი

გამოფენა გაიხსნება 19 თებერვალს 19 საათზე გაგრძელდება 26 თებერვლამდე

გალერეა ”კოპალა” - 4-26 თებერვალი

იდა ოცხელი

 l
ლულუ დადიანი

გალერეა”კოპალაში” მიმდინარეობს სამი მხატვრის:ლულუ დადიანის,იდა ოცხელის და რუსუდან ხანთაძე -ანდრონიკაშვილის ნამუშევრების გამოფენა.თითოეულ მხატვარს გამორჩეული,მისთვის დამახასიათებელი ხელწერა აქვს, რაც უდაოდ, დაინტერესებას იწვევს.

  
რუსუდან ხანთაძე-ანდრონიკაშვილი